ՀՀ նախագահ` Վսեմաշուք Տիար Սերժ Սարգսեանի զրոյցը Ռատիովատիկանի հետ։
(Ռատիօ Վատիկան) Ուրբաթ 24
յունիս 2016-ի առաւօտեան, Ֆրանչիսկոս Սրբազան Քահանայապետի Երեւան ժամանումէն մի քանի
ժամեր առաջ, Հայաստանի Հանրապետութեան նախագահը` Տիար Սերժ Սարգսեան հարցազրոյց շնորհեց
Ռատիօ Վատիկանի հայկական կազմի խմբագրութեան որուն մէջ նշեց Ֆրանչիսկոս Պապին Հայաստան
կատարած առաքելական ճամբորդութեան կարեւորութիւնը ու մատնանշեց այդ ճամբորդութեան բոլոր
Հայրերու համար նշանակութեան մասին։
Նախագահ Սարգսեան զրուցեց ապա Վատիկան - Հայաստան դիւանագիտական կապերու մասին զանոնք
որակելով բարեկամական ու ամրապնդման ընթացքի մէջ։
Հայաստանի Հանրապետութեան նախագահը անդրադարձ կատարեց Ղարաբաղեան հարցին մասին ու մաղթանք
յայտնեց որ այդ ճգնաժամային հարցը բանակցութեան ճանապարհով յանգի խաղաղ լուծումի։ Նախագահ
Սարգսեան շեշտեց ապա Սփիւռք - Հայրենիք համագործակցութեան կարեւորութիւնը ու անոնց միասնական
հոգիով յառաջ ընթանալու ու հարցերը դիմագրաւելու անհրաժեշտութիւնը։ Պատասխանելով հուսկ
Ֆրանչիսկոս Պապին Հայաստան ճամբորդութեան առթիւ հայ ազգին յղած լսատեսողական պատգամին
աւարտին արտասանած ''ցտեսութիւն'' բառին, Նախագահ Սարգսեան յարեց ''բարի գալուստ, մենք
շատ ուրախ ենք, բարի գալուստ''։
| All the contents on this site are copyrighted ©. |